Nos Organisashon

Logo-Plataforma-Kultural-400px.jpg

Hòfi Kultural ta un inisiativa di Fundashon Plataforma Kultural. Mimoun Himmit, Javier Boezem i Marieke Knol a funda e fundashon akí na 2010. E meta prinsipal di e fundashon ta organisá aktividat huntu ku otro pa krea ekspertisio i interkambio di manera ku ta stimulá e klima kultural na Boneiru.

Mishon

Ku Hòfi Kultural nos ke kontribuí na un Boneiru mas aksesibel. Kreativo i sosial, tresiendo habitante, artista i inisiativa kultural huntu pa inspirá otro i siña di otro. Nos ke solushoná tópikonan públiko di manera kreativo i krea impakto sosial.

Impakto

Hòfi Kultural ke kontribuí na metanan global pa desaroyo duradero. Nos ke kontribuí na empoderá i promové akseso sosial pa tur hende na Boneiru, sin restrikshon di edat, sekso, restrikshon, rasa, etnisidat, orígen, religion òf status ekonómiko òf un otro status. Nos ta hasi esaki dor di enkurashá i ofresé oportunidat na siudadanonan pa partisipá konhuntamente na aktividat kultural, topa otro i siña konosé otro na Hòfi Kultural. Nos ke redusí soledat bou di siudadanonan den besindario i oumentá koheshon sosial.

Team

E direktiva boluntario di Fundashon Plataforma Kultural ta konsistí di:

Vakante - Presidente
Wietze Koopman - Tesorero
Christine Alvarez - Sekretario

E tim ehekutivo ta konsistí di:

Marieke Knol - Direktor General
Mimoun Himmit - Direktor Finansiero
Marlies Vels - Gerente di Programa

SIFRANAN ANUAL

Kámara di Komersio Bonaire: 7599

AKTIVIDAT 2016

Na 2016 nos a kuminsá traha Hòfi Kultural. Na febrüari Louis Posner i Hyacinta 'Chinta' Merselina huntu a pone e promé piedra di fundeshi di e edifisio. Durante 'Bon Doet' boluntarionan a planta palu riba e tereno.

E siguiente aktividatnan pa nos hende grandinan a tuma lugá: baliamentu, toka kuarta i konta kuenta. Na sèptèmber nos a kuminsá ku un programa di músika pa mucha na Kolegio San Bernardo. 60 mucha a toka kitara, brasbènt, kuarta i perkushon. Na desèmber e muchanan i e hende grandinan a duna un presentashon di loke nan a siña. E aktividatnan a tuma lugá na Villa Antonia.

Na sèptèmber nos a kuminsá tambe ku un programa huntu ku Fundashon Nawati i Forma, pa por presentá e tradishon di Aña Nobo na Boneiru ‘Maskarada’. Na yanüari e studiantenan di Forma a duna un presentashon di Maskarada na tres diferente skol.